सुनको भाउ तोलामा फेरी तीन हजार घट्यो

काठमाडौँ बैशाख ३ - सुनको मुल्यमा आज पनि भारी गिरावट आएको छ । नेपाली बजारमा हिजो एकै दिन प्रति तोला ३ हजार ३ सय रुपैयाँ घटेको सुनको मुल्य आज पनि तीन हजार रुपैयाँले घटेको छ । स्थानिय बजारमा सुन हिजो प्रति तोला ५२ हजार ५ सय रुपैयाँमा कारोबार भएको थियो । नेपाल सुनचाँदी व्यवसायी महासंघले आज सुनको मुल्य प्रति तोला ४९ हजार ५ सय रुपैयाँ तोकेको छ ।

 

अन्तर्राष्ट्रिय बजारमा प्रतिऔंश १ हजार ३ सय २ डलरसम्म घटेको सुनको मुल्य पुन: उकालो लागेकाले अपरान्ह पुन: मुल्य निर्धारण हुन सक्ने महासंघले जनाएको छ । अन्तर्राष्ट्रिय बजारमा उतारचढावको अवस्थामा रहेको सुनको मुल्य मध्यान्हसम्म प्रतिऔंश १ हजार ३ सय ७५ डलरमा कारोबार भएको छ ।