अभ्यास खेलमा नेपाल विजयी

बैशाख ५ - विश्व क्रिकेट लिग डिभिजन थ्रीको तयारीमा रहेको नेपाली राष्ट्रिय टोलीले तेस्रो अभ्यास खेलमा पनि जीत हात पारेको छ । भारत भ्रमणमा रहेको नेपाली टोलीले आज जयपुरको स्टार एकेडेमी–११ लाई तीन विकेटले पराजित गरेको हो । यसअघिका दुवै खेलमा विजयी नेपालले आज १ सय ९५ रनको लक्ष्य पाएको थियो । नेपाललाई जीत दिलाउने क्रममा उपकप्तान ज्ञानेन्द्र मल्लले ८० र विनोद भण्डारीले ३२ रनको योगदान गरे ।

 

यसअघि, पहिले ब्याटिङ गरेको स्टार ४४ ओभरमा १ सय ९४ रनमा अलआउट भएको थियो । स्टारलाई सस्तैमा समेट्न राहुल विकले सर्वाधिक ५ विकेट लिए ।